မာစတာ နှင့် အလုပ်သင်

ဒီပိုစ့်လေးကတော့ မန်ယူတီဗွီ အစီအစဉ် တင်ဆက်သူ စတီးဝါ့ ဂါဒ်နာရဲ့ အတွေ့ အကြုံလေးကို ရေးသား ဖော်ပြထားတာ ဖြစ်ပါတယ်… အားပေးကြပါကုန်….

ဒီနေ့မနက် ကာရင်တန်ကွင်းကို ကားမောင်းဝင်လာတဲ့ နစ်ပိုဝဲလ်လေးဟာ ဂုဏ်ယူဝင့်ကြွားတဲ့ ခံစားမှုမျိုး ရှိနေမှာ မလွဲပါဘူး။ ပွဲသိမ်းဂိုးကို အိုးထရက်ဖို့ရဲ့ ပွဲဦးထွက်မှာ သွင်းယူနိုင်ခဲ့ခြင်းဟာ ကစားသမားတစ်ယောက်ရဲ့ အိပ်မက်ကို ထုဆစ်နိုင်ခဲ့ခြင်းပဲ မဟုတ်လား။

ဒါ့အပြင် ဆာအဲလက်စ် ကလည်း ဒီကောင်လေးဟာ ပေါစခိုးရဲ့ ခြေရာနင်းမယ့် ကောင်လေးလို့လည်း သူ့ယူဆချက်ကို ထုတ်ဖော်ပြခဲ့ ပါတယ်။ ဒါဟာ ဆာအဲလက်စ်ရဲ့ ဒီကောင်လေးအပေါ် ချီးမွမ်း ဂုဏ်ပြုခြင်း တစ်မျိုးပဲ မဟုတ်လား။ တကယ်လည်း စနေနေ့က ၀ီဂန်ကို ၄-၀ ဂိုး နဲ့ နိုင်ခဲ့တဲ့ပွဲမှာ ခေါက်ချိုးညီမျှခြင်း တစ်ခုကို တွေ့ရှိခဲ့ရတယ်လေ။ ၀ီဂန်ကို အနိုင်ယူမယ့် လမ်းစကို ပေါစခိုးက သူ့ရဲ့ ပွဲ ၇၀၀ မြောက် အနေနဲ့ ဖော်ဆောင်ပေးခဲ့ပြီး ပွဲသိမ်းဂိုးကို သွင်းယူခဲ့တာကတော့ ပထမဆုံး သရဲနီတပ်သားအဖြစ် ပွဲထွက်လာတဲ့ ပိုဝဲလ် ဖြစ်နေတာပါပဲ။

ယူနိုက်တက် ဂန္တ၀င်နဲ့ နှိုင်းယှဉ်ခံရဖို့ နစ် ပိုဝဲလ် အနေနဲ့ လမ်းကြောင်း အရှည်ကြီး လျှောက်လှမ်းရအုံး မှာပါ။ ဘယ်လိုပဲ ဖြစ်ဖြစ် ကောင်းမွန်တဲ့ လက္ခဏာတွေဖြစ်တဲ့ ဘယ်ညာ ခြေနှစ်ဖက်စလုံး သန်စွမ်းမှု၊ အကွက် မြင်တတ်မှုနဲ့ အရေးပါတဲ့ ဂိုးတွေကို သွင်းယူနိုင်တဲ့ အမြင်ရှိမှု တွေ ကို သူ ပြသခဲ့ပါပြီ။ ဒါတွေကို ပြီးခဲ့တဲ့ရာသီ ခရူဝီ အသင်းမှာ ကစားစဉ်က တစ်ရာသီတည်း ၁၆ ဂိုးသွင်းပြီး ပြသခဲ့တာကို ခင်ဗျားတို့ ကျွန်တော်တို့ မျက်မြင်တွေ့ခဲ့ ပြီးပြီပဲ။ စခိုး ဆီကနေ လေ့ကျင့်ရေး အချိန်တွေမှာ သူအစွမ်းကုန် သင်ယူနိုင်မယ်လို့ ကျွန်တော် မျှော်လင့်ထားပါတယ်။

စခိုး ရဲ့ ရုတ်တရက် လားရာပြောင်းရွေ့ပြီး အင်တာဗျူးတွေကို ရှောင်လွှဲ နိုင်မှု ဆိုတဲ့ အချက် ကိုတော့ ပါဝဲလ်အနေနဲ့ ပုံတူ ကူးမချဘူး လို့ ကျွန်တော် မျှော်လင့်ပါတယ်။ စနေနေ့ ပွဲပြီးတော့ ကျွန်တော် စခိုးကို စကားပြောဖို့ မျှော်လင့်ခဲ့တာပါ။ ဒါပေမယ့် သူ လျှောက်လမ်းထဲကို မြန်နိုင်သမျှ မြန်မြန်ကို ဆင်းသွားတော့ တာပါပဲ။

ပထမဆုံး ကျွန်တော် မန်နေဂျာကို အင်တာဗျူးနေတာပါ။ အင်တာဗျူး အလယ်လောက်မှာပဲ ကျွန်တော် ပေါလ်…ပေါလ်… ဆိုတဲ့ အော်သံတွေကို လက်မှတ်ထိုးပေးဖို့ တောင်းဆိုနေသူတွေ ဆီကနေ ကြားနေရပါတယ်။ စခိုးကတော့ ပွဲသိမ်းခရာ မှုတ်ပြီး ပြီးချင်းမှာပဲ တီဗီ ကင်မရာတွေကို လျှင်လျှင် မြန်မြန်ပဲ ကျော်ဖြတ်ပြီး သူ့ရဲ့ ကားဆီကို ဦးတည် သွားနေပါတော့တယ်။

စခိုးဟာ တစ်ကိုယ်ရေ မှတ်တိုင်တွေ နဲ့ သူ့ရဲ့ အကြောင်း ပြောဆိုနေကြတာကို စိတ်ဝင်စားမှု သိပ်ရှိပုံ မပေါ်ပါဘူး။ သူ့အတွက်ကတော့ ပုံမှန် ကစားပွဲလိုပဲ ကစားပြီး အိမ်ပြန်ရမယ် ဆိုတာလောက်ပဲ တွေးထား ပုံပါပဲ။ သူ့ရဲ့ပုံစံက ဒီလိုပဲ အပြောင်းအလဲ မရှိတာ ကစားသမား ဘ၀ အစကတည်းကပါ။

ကံကောင်းစွာနဲ့ပဲ နစ် ပိုဝဲလ်ကတော့ မန်ယူတီဗွီ အစီအစဉ်ကို သူ့ရဲ့ ထူးခြားတဲ့ နေ့တစ်နေ့ အကြောင်း စကားပြောချင်ပုံ ပေါ်နေခဲ့ ပါတယ်။ ကျွန်တော် ဘာကို ပထမဆုံး မေးခဲ့တယ် လို့ ခင်ဗျားတို့ ထင်လဲ။

နစ်… ဒီနေ့ကတော့ ခင်ဗျား ဘ၀မှာ ဘယ်တော့မှ ပြန်သတိမရတော့မယ့် နေ့တစ်နေ့ ဖြစ်ပြီပေါ့။ Cut.

ကျွန်တော့်ရဲ့ ဖြစ်သင့် ဖြစ်ထိုက်တဲ့ မေးခွန်းမဟုတ်ဘဲ လိမ္မာပါးနပ်မှု မရှိတဲ့ မေးခွန်းကြောင့် သူ့ကို ကြည့်ရတာ နဲနဲတော့ စိတ်ရှုပ်ထွေး သွားပုံ ပေါ်ပါတယ်။ ကျေးဇူးတင်ရမှာကတော့ တိုက်ရိုက်ထုတ်လွှင့် နေခြင်း မဟုတ်တာကြောင့် ကျွန်တော်တို့ ပြန်လည် ရိုက်ကူး နိုင်ခဲ့ပါတယ်။ နောက်လာမယ့် နှစ်တွေမှာလည်း ကျွန်တော် သူ့ကို အကြိမ်များစွာ အင်တာဗျူး တွေ လုပ်နိုင် လိမ့်မယ်လို့ မျှော်လင့်လျှက် ….